Fjölskyldan ehf.
Margrét Pála og Móey Pála spjalla saman um fjölskylduna ehf, heimilislíf, uppeldi og er ekkert mannlegt óviðkomandi í þessu einlæga og skemmtilega hlaðvarpi. Fleiri fjölskyldumeðlimir kveða sér líka hljóðs enda er um Fjölskylduna ehf. að ræða. Margrét Pála setur sig í stellingar sem amma, senn langaamma og fær dótturdóttirin Móey Pála tækifæri til að spyrja ömmu um allt sem verðandi mæður velta fyrir sér 😊 Þær hafa kallað sig ömmgur (amma og dótturdóttir) frá því Móey var lítil stúlka en þær hafa alla tíð átt afar sterkt og sérstakt samband. Hlustendur fá einnig einstakt tækifæri til að kynnast því og fylgja meðgöngu Móeyjar og öllu sem fylgir þessu hamingjuríka og í senn krefjandi hlutverki; foreldrahlutverkinu! Margrét Pála, eða Magga Pála eins og hún er landsmönnum kunn, er frumkvöðull í menntamálum á Íslandi, höfundur Hjallastefnunnar og ötull talsmaður barna. Hún brennur fyrir uppeldi sem og Móey Pála, dótturdóttir hennar, en hún er uppeldis- og menntunarfræðingur.Tónlistarstef þáttarins er eftir Valgeir Guðjónsson og þættirnir eru teknir upp í stúdíó Lubba Peace undir stjórn Inga Þórs Ingibergssonar.
Fjölskyldan ehf.
Áföll sem kenna og hvað skiptir máli
Móey Pála og Magga Pála halda sér í dýptinni í þessum þætti. Þær ræða það sem raunverulega skiptir máli í lífinu og hvernig harkalegar áminningar móður náttúru og lífsins sjálfs geta hjálpað okkur að setja hlutina í samhengi.
Móey Pála deilir átakanlegri reynslu með hlustendum þegar hún blindaðist á öðru auga. Sú reynsla fær hana til að þakka reglulega fyrir það sem hún sér og minnir hana á að ekkert er sjálfsagt.
Ömmgurnar fá hlustendur til að hugsa með sér hvað það er sem við viljum skilja eftir okkur hér á jörðinni og hvað það er sem ber að þakka. Fögur fyrirheit um heilsusamlegra líf og betri tíma í vændum eru góð og blessuð í upphafi árs en umfram allt má skoða hvað það er sem við getum verið þakklát fyrir.
Katla á lokaorðin, dásamleg að vanda.
Fjölskyldan ehf á facebook
Fjölskyldan ehf á Instagram
Netfang þáttarins: fjolskyldanehf@gmail.com
Styrktaraðilar þáttarins eru Krumma leikfanga- og leiktækjaverslun og barnavöruverslunin Regnboginn.
Fjölskyldan ehf á Instagram
Netfang þáttarins: fjolskyldanehf@gmail.com