#125 Piorsarsimassutsimik ingerlatitseqqiineq / Videreførelse af kultur Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#125 Piorsarsimassutsimik ingerlatitseqqiineq / Videreførelse af kultur

August 06, 2024 • INUNA • Season 4 • Episode 125

Upernaap naalernerani Holstebro illoqarfittut ukiuni 750-inngortorsiorluni nalliuttorsiornerani INUNA-mit najuuppugut. Sapaatip akunnerata ingerlanerani NUIS.gl-imilu isiginnaartitsisartut nunatsinninngaanneersut aamma peqataatitaqarnerat iluatsillugu, isiginnaartitsinerat pillugu oqaloqatigaagut isiginnaartitsinerannilu aamma immiussilluta.
Isiginnaartitsisartut isiginnaartitsisartunngorniarnissartit takorloortuarsimanerpaat?
Suut piorsarsimassutsikkut kingornussat ingerlateqqissallugit pingaaruteqarpat? Soorlu aamma nunatsinninngaanniit Holstebro-p nalliuttorsiornerani peqataatitaqartoqarnissaa pingaaruteqarsimava? Tamakkuuppullu alapernaaserfigalugit apeqqutigineqartut ilaat.
Tusarnaarluarina

I slutningen af foråret deltog INUNA i Holstebro´s 750 års jubilæum, og i den forbindelse deltog grønlandske skuespillere fra NUIS.gl også, derfor havde INUNA også den fornøjelse at se forestillingerne samt at have dem i studiet.
Har skuespillerne altid haft drømmen om at blive skuespillere?
Hvad er vigtigt at videreføre af kulturarve? Og hvorfor er det vigtigt for Holstebro, at grønlandske skuespillere også deltog i jubilæet?
Det er blandt andet spørgsmålene, der blev stillet.
God lytning

Aallakaatitassiortut: Sara Fredsbo
Peqataasut: Kimmernaq Kjeldsen, HH Suersaq Poulsen, Dina Fisker Sandgren aamma Kristian Mølgaard
Speak: Arnannguaq Gerstrøm & Arnánguak Lyberth
Erinniat aamma nipit: Petra Banke aamma Arnannguaq Gerstrøm
Nipinik katiterisoq: Krishna Kandasamy
Siullermik aallakaatinneqarpoq August-imi 2024-imi