#140 Inuunerup ingerlarnga / Livets gang Artwork

INUNA podcast

INUNA – ’Nuissani´ katersortarfik. INUNA podcastiuvoq kalaallisut oqaasilik, taanna kalaallinut Danmarkimi najugaqartunut tusarnaagassatigut katersuuffiuvoq. Kalaallit Danmarkimi inuuneranni assigiinngiiaassuseq, aamma kinguaariiaat akornanni podcastini oqaluttuarineqarlunilu saqqummiunneqartassaaq.INUNA-p tusarnaartartut peqatigalugit, maanna pisut, inuit ataasiakkaat inuunerisa oqaluttuassartaat, kalaallillu akornanni ataatsimut immikkullu misigisartagaat sammisassavai.‘Nuissani’ katersortarfittut INUNA-p Danmarkimi kalaallit najugaqartut imminnut qanillisissavai, kalaallit kinaassusaat oqaasiilu tapersersuiffigalugit, aamma kalaallit nipaannut assigiinngitsunut, misilittagaallu pillugit oqaloqatigiinnernut ataatsimoorfimmik pilersitsissalluni. INUNA sapaatip akunneranut marloriarluni podcastinik aallakaatitsisassaaq, marlunngorneq sisamangornerlu, aamma INUNA inuit attaveqaataasigut malinnaaffigineqarsinnaavoq.Aallakaatitassiat sammisat aalajangersimasut aallaavigisassavaat: Danmarkimi Nutaat Pisoqqallu, Eqqumiitsuliorneq aamma Kulturi, Ilisimatusarneq aamma Ilinniagaqarneq, Inuussutissarsiorneq aamma Sulineq.INUNA Nordisk Teater Laboratoriumip, Holstebromi Danmarkimiittup ilagaa, immiussisarfillu tassaniippoq. INUNA kalaallit akornanni suleqatigiinnermut qaaqqusivoq – aamma nipit soqutiginnittut tamaasa attaviginissatsinnut kaammattorlugit. INUNA-miillu soqutiginnittut tamaasa podcastimi malinnaaviginninnissaannut tikilluaqquagut, qanorluunniit tunuliaqutaqaraluarunik oqaaseqaraluarunilluunniit. * INUNA oqaatsinik pinnguarluni katiterineruvoq oqaatsit uku akornanni Nuna (nuna/nunarsuaq), Inuk (inuk/kalaaleq), Inuit Nunaat (Kalaallit Nunaat/inuit nunaat) aamma Nunasivoq ima isumaqartoq “inunngorfigisaanngitsumi nunasisoq”. *INUNA-p ilisarnaataa internettimi ingerlaartarnernut assersuutaavoq

All Episodes

INUNA podcast

#140 Inuunerup ingerlarnga / Livets gang

September 26, 2024 • INUNA • Season 4 • Episode 140

Minik Hansen INUNA podcastimit pulaarneqarpoq.

Uani aallakaatitassiami Minik kinaanersoq ilisaritilaarparput, ilaatigut eqqartorneqarput Sauwestarimi taalliorsimanera, suliffigisimasai ilinniagaai suliffittaavalu, inuunerup ingerlarnga, silap nukinga qanga inuit malittuarsimasaat, anersaallu silarsuaat iserfigillatsiarneqarluni. Inuttullu inerikkiartornermi eqqarsartaatsip allanngoriartortarnera ilanngunneqartut ilagaat.

INUNA podcast er på besøg hos Minik Hansen.

I denne episode introducerer til Minik er. Blandt andet bliver der snakket om hans tekster i Sauwestari, hans tidligere beskæftigelser, uddannelse og hans nye arbejde, livets gang, naturen og naturens kraft som inuitisk tro. Vi kommer også en kort tur i åndeverdenen. Der bliver også snakket om det at blive voksen og indordne sin tankegang.

Aallakaatitassiortoq / Tilrettelægger: Kristian Mølgaard
Speak: Arnánguak Lyberth & Arnannguaq Gerstrøm
Peqataasoq / Medvirkende: Minik Hansen
Erinniat aamma nipit / Musik og lyd: Arnannguaq Gerstrøm & Petra Banke
Nipinik katiterisoq / Lydredigering: Krishna Kadasamy
Aaqqissuunneqarpoq / Redigeret: September 2023

INUNA podcast Isiginnaartitsinermik suliaqarfiup, Nordisk Teaterlaboratorium-ip ilagaa, INUNA podcastimilu Arnannguaq Gerstrøm aqutsisuuvoq.

INUNA podcast, med Arnannguaq Gerstrøm som projektleder, er en del af Nordisk Teaterlaboratorium.