الخضرية كـ"رحلة تحرّر": إيمان طرايرة

في الحلقة العاشرة من وات ذي بطيخ بودكاست، نستضيف إيمان طرايرة، شابة خضرية فلسطينية متطوعة في فريق إنقاذ الحيوانات في فلسطين Baladi ومجموعة خضريين في فلسطينVegan In Palestine، وتعمل في مجال التسويق. 

الحلقة هالأسبوع بعنوان: الخضرية كـ"رحلة تحرّر" 

تتحدث لنا إيمان عن رحلتها الخضرية التي حرّرتها - فالأسئلة الكثيرة التي بدأت فيها رحلتها لمناصرة الحريّات ورفع الظلم عن الفئات الأضعف منها قادتها نحو رحلتها اليوم التي تعرفت فيها على الخيار الأصح لها. 

نتناول في الحلقة أفكاراً غنية عن الاستغناء، وكيف يمكن لكل شخص منا أن يكون صوتًا للتغيير في القضايا التي يؤمن بها. تفتح إيمان قلبها لتشاركنا "الإلهام والتجارب" و"إعادة وضع الحدود" بيننا وبين الأفراد والمجموعات من حولنا. ونتحدث عن "التنافر المعرفي"، وكيف أن حالة الإجهاد أو عدم الراحة في حملنا لأفكار معينة تتعارض مع سلوكياتنا تخلق تنافراً وتحديات تضعنا أمام الكثير من التفكير والأسئلة بين تغيير السلوكيات والحفاظ على توازننا في علاقتنا بمعتقداتنا. 

تابعوا إيمان طرايرة من خلال عمل مجموعة Vegan in Palestine  

https://www.instagram.com/veganinpalestine/

و فريق بلدي لإنقاذ وحماية حيوانات الشارع Baladi-Palestine Animal Rescue من خلال 

https://www.instagram.com/baladi.palestineanimalrescue/

Transcript

Dalal Radwan: 0:19

موسيقى بودكاست وات ذي بطيخ بقدمه أنا دلال رضوان خضرية على منصتي فيغان أون بودجت ومن خلال هالمساحة الأسبوعية بالبودكاست بستضيف خضريين وخضريات وبنتشارك تجاربنا وأفكارنا معكم وهالبودكاست بدعم فيغانز فور باليستاين واللي هيي مجموعة خضريين خضريات من فلسطين والعالم بيشتغلوا لرفع الوعي عند الخضريين وغير الخضريين حول القضية الفلسطينية وسبل المناصرة والدعم لإلها في سبيل الحرية والسلام. ضيفة اليوم شابة خضرية فلسطينية متطوعة في فريق إنقاذ الحيوانات في فلسطين بلدي ومجموعة خضريين في فلسطين Vegan in Palestine وبتشتغل في مجال التسويق أهلا وسهلا إيمان طرايرة

Eman Tarayrah: 1:15

مرحبا دلال مرحبا لكل الأصدقاء اللي رح يسمعونا في هذا البودكاست أنا مبسوطة إني بشارك في هذا البودكاست لأنه لأول مرة بشارك نتيجة الوعي أو نتيجة رحلة التحرر اللي أنا وصلت لها كتجربتي كخضرية مع أشخاص يمكن ما بيعرفوني أو مش بدائرتي المحيطة

Dalal Radwan: 1:42

عرفيني عنك أكتر وليه اخترتي تكوني خضرية؟

Eman Tarayrah: 1:46

بحب أعرف عن حالي أنه أنا إيمان خضرية من ثلاث سنين من قبل كنت نباتية فيجيتيريان في محاولات الكثير لأفهم أنا وين بدي يكون موقعي بمناصرة الحريات برفع الظلم عن الفئات اللي أضعف مني فدائما كان في مجموعة أسئلة بتخليني أعيد النظر والتفكير في هاي النقطتين بالذات وإني بدي أعرف وين أنا بين كل هالقضايا هاي وين موقع رح يكون وبرضه مش غلط نتعرف على الخيار الأصح اللي إحنا بنشوفه مناسب لإنا ونتعرف بهاي الرحلة عن كديش فكرة الاستغناء هي فكرة بتساعدنا نتقرب أكثر من حريتنا لما نبلش نستغني وبتخلينا ما نجزئ الحريات

Dalal Radwan: 2:42

بداية مهمة نحكي على فكرة الاستغناء في حياتنا وخلال تحضيرنا لهذه الحلقة كانت واضحة أن الاستغناء هي أكثر من مفهوم في حياتك أخلاقية في الممارسات والسلوكيات فحكيلي أكتر أنه يعني أنت من تجربتك الشخصية وكيف بتتطلع على المجتمع من حولك ليش بنستغني إحنا كأفراد وشو بيعني لك الاستغناء

Eman Tarayrah: 3:14

فكرة وجود الاستغناء بشكل عام هي فكرة مربح من خلالها رح ناخد مجرى جديد بحياتنا ممكن نعبر لمرحلة جديدة لحياة جديدة فهي فكرة من خلالها بنأهل وبندرب أنفسنا ورغباتنا بشكل عام ففي فكرة التحول للخضرية والاستغناء عن المنتجات الحيوانية هي بذاتها هي فكرة تحقيق لحفظ حيوانات أو حيوات كثيرة من الحيوانات وبرضه فكرة أنه أنا يعني برأيي الشخصي الفكرة اللي دائما بحب أكد عليها أنه ما أكون جزء من حلقة العنف والاستغلال الواقع على الحيوانات لكونها كائنات أضعف مني، هاي بذاتها أهم وأغنى وأسمى من طعم الدجاج أو اللحمة أو طعم الأجبان أو المنتجات الحيوانية بشكل عام

Dalal Radwan: 4:27

يعني فعلياً الاستغناء لما الإنسان يكون بيستغني وبتبع هذا النمط في حياته أنه يترك ممارسات أو سلوكيات أو نمط طعام أو نمط استهلاكي معين هذا الاشي بيخلي عنده مساحة أكثر ليفكر وهذا التفكير بقودنا أنه نعمل هاي نتطلع على دواخلنا ونفكر في أنه هاي السلوكيات على أي أساس إحنا عم نبنيها يعني هاي القرارات اللي بناخدها إنه أنا بستهلك الحيوانات أو بعمل تجارب على الحيوانات أو أي شكل آخر من استغلال الكائنات الحية والتفضيلات اللي بتصير بين الأنواع وكل هاي الممارسات اللي نقوم فيها يعني هذا الاستغناء بيخلي عنا هاي الحالة إنه إحنا والم وهذا التفكير بقودنا لإنه نغير بس أكيد في نفس الوقت يعني ممكن يعمل زي صدمة أو يعمل زي حالة من الإرهاق أو الإجهاد في علاقة بين السلوكيات هنا والأفكار أو المعتقدات اللي إحنا كمجتمعات مبنيين عليها يعني الناس لما تفكر في احنا في المجتمع يعني في دائما متغيرات في دائما مساحة انه احنا كأفراد نتطور نختلف نطور في سلوكياتنا نطور في ممارساتنا في حياتنا يمكن مش كتير بنفكر فيها وهي كمان في علم النفس الاجتماعي قائمة على أنه فيه تنافر بين السلوك والمعتقد هذا التنافر المعرفي إيمان كيف بتلاقي في قرارك أنه أنت صرت خضرية وتركتي سلوكيات وممارسات ما كانت فعليا لصالح الكائنات الحية الأخرى فاحكي لنا أكثر على هاي الفكرة وفي استكشافك وكيف بنيتي معرفتك في تبني هذا النظام الأخلاقي الخضري فعليا

Eman Tarayrah: 6:39

حالة التنافر المعرفي هو حالة بننتعرض لإلها أو بنواجهها لما بنكون بنحمل أفكار أو قيم أو مبادئ بشكل عام جزء كبير منها بيتناقض مع سلوكياتنا اليومية أو سلوكياتنا بشكل عام بتتناقض مع أفكار إحنا بنحملها يعني تختلف أفكارنا لما بتختلف أفكارنا مع أفعالنا وأكبر مثال بهاي الحالة إنه أنا بحب الحيوانات وبتكلها بنفس الوقت فالتناقض المعرفي هون بيكون متمثل بأبسط بأبسط فكرة لإله أنه دائما أنا بشعر بالذنب بعد تناول أي منتج حيواني لحد ما صارت طريقة أكلي فيها تحايل نوعا ما على حال أنه ما كنت بقدر أتناول مثلا قططعة الجاج أو اللحم وهي بشكلها الطبيعي لأنه شكلها دائماً بذكرني أنها كانت كائن حي فكنت أتناولها فقط إذا كانت مثلاً مسحبة بداخل ساندوشات أو وصفات ما بتشبه شكلها الطبيعي فبنفس الوقت أو بنفس الفكرة أنه هون متمثل الفكرة أنه أنا ضد أي فعل أو استغلال يمارس على أي كائن حي وبنفس الوقت راضية أنها تكون وجبة أكل بصحن وهي الفكرة أنا أجزم أنها عند الغالبية فينا نحن نحب الحيوانات وفي نفس الوقت نأكلها نحن لا نكون كثير مبسوطين عندما نرى حيوان كيف الظروف المعاشية التي يتعرض لعملية تحويله لوجبة أكل تحويله لسلعة ما فهذه الفكرة بحد ذاتها أنه أكيد لو أنا رحت زرت مزرعة لإنتاج حيواني سواء للحليب أو لتسمين الخراف أو الأبقار ما رح أكون راضي عن الظروف المعاشية اللي بيتعرض إلها هذا الحيوان يعني 99% رح أشوف كدش هي مستغلة كدش ظروفها صعبة الجو اللي هي عايش فيه إنه كل هاي الفكرة انا داخليا برفضها بس بنفس الوقت ما بيكون عندي فكرة الربط انه هاي الستيك اللي بصحني هو نفسه الحيوان اللي كان بالمزرعة اللي بيواجه هاي الظروف المعشية ف هاي الفكرة برضو بتذكر منيح لما كنت بعمر صغير ورحت أنا وبنات عمي وإحنا صغار نجيب حليب من مزرعة أبقار ولحظة لما شفت كيف البقرة محشورة بين حدثتين يدوب هي قادرة تتنفس وفيه جهاز على صدرها بقوة جدا عالية لشفط الحليب فكان منظر انه شوي سرحت في المنظر انه قديش شي روثها برضو واصل لركبها منظر عيونها فهي المشاهد تتخزن جواتنا يمكن احنا صغار ما بنكون اكثر دراية او اكثر نميز ان احنا ليش تأثرنا او كيف نفسر هذا التأثر انه يصير تغيير او يعني رد فعل على هذا الموضوع احنا صغار بنكون أقل يعني أقل إنه إحنا نعمل رد فعل خصوصا إنه إذا ما حكينا باللي شفنا فهي واحدة من المشاهد اللي ضلت معي لحد ما وعيت وطبعا الكثير برضو من المشاهد كون أنا تربيت بمكان مش كثير منفصل عن مكان وجود الحيوانات وهي بأماكن الإنتاج الحيواني بأنواع المختلفة فكلها هاي مشاهد كانت أكثر حدي علي وبنفس الوقت أنا كنت برتبط أكثر بالحيوانات فهاي المشاهد خلتني أكون غريانة أكثر بحالة التنافر اللي أنا كنت بوجهها فكنت مدركة لهاي الحالة وعرفت متأكدي أنه التخلص منها بيكون مش أنه أغير الفكر أو أغير المعتقد التغيير دائماً بيكون ضمن المطاق الأسهل والمنطقي فالأكيد هو أنه إحنا نشتغل على تغيير يعني أنه أشتغل على تغيير وتقويم سلوكياتي مش تغيير المعتقد فبالبداية مرحلة التفكير هتكون هي أصعب مرحلة لأنه طوله إحنا بنفكر بالموضوع من بعيد رح نظلنا شايفينه صعب خصوصاً إنه هو مش سلوك يعني مش سلوك أنا بعمله بالسنة مرة أو بالشهر مرة هو سلوك حياتي يومي يعني سلوك برضو متعلق يعني مش بفترة محددة هو سلوك متعلق بنظام غدائي لكامل حياتي فالفكرة اللي أجتني بهذه الفترة هي أنه بالأول أنا أشتغل على موضوع أنه القيد اللي أنا محاصرني أفكه وأنا حرة بفكر أنا إيش بدي أعمل يعني أنه ما أفكر كيف بدي أكسر القيد هو مش مشكلتي في أنه في قيد أو أنه القيد صعب فكه لا أنا سهل أفك القيد وأنا حرة طليقة بفكر ايش بدي اعمل فكانت اول يعني اول مرحلة بعد البحث عن ايش الاصح بهاي الحالة ايش كيف بقدر اقوم سلوكي بالنظام الاكثر اخلاقي او اللي انا رح اكون مرتاحة فيه أكون مرتاحة فيه فكانت فكرة أنه أنا لازم أستكشف الأنظمة الغذائية الأقرب للنباتية فكانت أول خطوة أني أبطل يعني أبطل أكل أي إشي فيه لحوم دجاج أسماك كخطوة أولى بعدين اكتشفت أنه الحياة بدون لحم ممكنة جداً وأنه إحنا كلنا أسرة عن جد أسرة لإدمان أكل اللحم فيما بعد بدأت مرحلة جديدة من التنافر أنه طيب الفكرة اللي واقع على الإتاج الحيواني الخاص باللحوم هي نفسها اللي بتنطبق على الحليب والأجبان أو أي فعل ترفيهي أو منتج تجميلي يعني كلها هاي بتصب بنفس الموقع أو بنفس الرفض أنه أنا برفض أي استغلال واقع على الحيوانات وإني ما بدي أكون جزء من أي حلقة استغلال بيتعرضوا له فالموضوع كله يعني هو مسبب صراع أخلاقي بينه وبين حالي فأدركت فكرة أنه عن جد أنه من قديش كانت مرتبطة بطعم أو بحبي للأجبان أو المنتجات الحليب الأجبان هاي كلها فأنه لا فكرة أنه الطعم الزاكي ما بيبرر أنك تشق حنجرة كائن حي هاي كانت أكثر شعار مرتبط بهذه الفترة وكن دائماً بدي أكون عن جد مطبقة لهذا الإشي بأصغر التفاصيل لحد ما فيما بعد اتبعت النظام الغذائي الفيجان بعد رحلة عن البحث والاستكشاف هي رحلة استكشاف دائما لبدائل بدائل تكون متوفرة بنفس القيامة الغذائية لأنه الفرق الوحيد هي بدائل أخلاقية بدون دم وقتل بداء الأخلاقية بدون دم وقتل فبحب دائما أحكي عن رحلة النباتية الخضرية أنه هي مش رحلة حرمان مثل ما بنكون متصورين أو مثل ما بيتطلعون للناس الغير خضريين أنه هي أنه إحنا أشخاص حرمين حالنا لا أبدا هي فكرة دائماً بشبهها برحلة استكشاف استكشاف خيرات وبدائل زاكية وصفات شهية وأنه إحنا بالعكس إحنا كنا حارمين حالنا لما كنا غير خضريين كنا حاصرين حالنا بأربع خمس أشياء لحمة جاج بيض حليب جبنة وخلص بنظل نلف حولين هدول أربع خمس أشياء بس لما طلعنا من منطقة الراحة هاي اكتشفنا قديش احنا كنا مقيدين بالخيرات اللي كانت معنا فرحلة التحول للخضرية دائماً بحب أحكي عنها كتجربة شخصية أنه هي رحلة استكشاف رحلة توسيع مدارك بردو بنتحرر من قيود كنا حاطين حالنا فيها بنلتزم بقيم جديدة خاصة بالنظام الخضري فهاي القيم هي نفسها يعني الرفض الاستغلال الواقع على الحيوانات هو رح يوصل لنفس النتيجة أنه أنت رح ترفض الاستغلال على أي كائن أضعف منك أو على رفض فكرة الاستغلال بشكل عام فهاي هي ثمرة اختيارنا للنظام الخضري أنه هو بيقربنا من عالم أشكال الاستضعاف أو الاستغلال فيه راح تقل وهي فعلا رحلة قرارات وخيرات أخلاقية بقيم أخلاقية

Dalal Radwan: 17:44

يعني فعليا مش سهل أنه الواحد فينا يطلع شوي عن النمط المعتاد أو النمط المتعارف عليه في المجتمع من ناحية حتى التفكير يعني أنه لما يصير في عنا حالة الوعي والمعرفة بأثرنا في المجتمع وكيف مثلا أن هالحيوانات عم بتعاني وإنت أكيد من تجربتك الشخصية زي ما حكيتي يعني هاي الذاكرة اللي موجودة عندك بالطفولة إيش كنت تشوفي حواليكي ظلت معاك مكملة ومعاناتك وإنت بتحب الحيوانات بنفس الوقت بتاكليها يعني برضو هذا ما كانش برضو يعني مش تجربة سهلة أنه الشخص في نفس الوقت اللي بيكون ومن هاي السلوكيات اللي ما كانت تتوائم وتتفق مع الأفكار اللي كنت عم بتآمن فيها

Eman Tarayrah: 18:59

الحرية برأيي هي أني أني أرفض أي تسلسل هرمي للمعاناة بين المخلوقات الوعي بغض النظر عن نوعها أو صنفها فمثلاً بالنسبة لإلي أنه مرفوض أنه يتعرض أي كائن حي لتعذيب أو قتل أو استغلاء بغض النظر عن نوعه فقيمة الحياة هي نفسها لصاحبها سواء كانت بقرة أو دجاجة أو قطة أو نحلة أو طفل كلها بالنسبة لي كائنات حية واعية أنا أريد أن أرفض أي استغلال أو أي تعذيب سح يتعرض لها أي كائن حي بخط واحد مش بتسلسل هرمي مين الأهم أو مين حياته أهم أنه ما يتعرض لأي استغلال ففيها هاي هي الفكرة أنه أنت يعني أنه أنا بالنظام الخضري صرت أكثر بعارف ك أنا بالنظام الخضري صرت أكثر أعرف كيف الظلم الواقع على أي كائن حي يعني كيف الحيوانات إيش الظلم الممكن هي تتعرض له الأيدي العاملة اللي أنا بدي برضو أكون عارف فيه إيش ممكن الظلم اللي بتتعرض له فهي كل هالفكرة أنه أنا بصير موجودة عندي قيم بتعارض الظلم الواقع على أي كائن حي باختلاف يعني بغض النظر عن نوعه أو صنفه فبتبلش بقضايا نصرة الحيوانات انتقالاً لقضايا الأطفال والنساء أو أي فئة أضعف فهذه أهم الأفكار والمبادئ الدخيلة علي من الخضرية أنه مش مفروض أي حيوان يكون خاضع لكامل الاستهلاك البشري طالما أنا بقدر أخفف من معاناتها بوجود هاي البدائل أنا بقدر أرفع هي مش بدائل أنا بس بدي أتسلك بها لا هي بدائل متوفرة زاكية أخلاقية بس أنا بنفس الوقت برفع الظلم وبخفف من معاناة الحيوانات

Dalal Radwan: 21:21

عندما نتطلع على أنه في عنا حالة تحرر هذا التحرر مش بس أني أنا أعطي حالة مساحة أستكشف خيارات الطعام وخيارات متنوعة ومتعددة موجودة أساسا في نظام حياتي الأساسي لكن أيضا هو بيعطيني مساحة كفرد أني أشوف أبعد من الأكل اللي على الطاولة ولما نصير نفكر فعليا أبعد من الطعام وأبعد من هاي الرغبات وال الشهوات اللي موجودة عندنا كأفراد للطعام أنه أنا لازم أكل الجاج أو لازم أكل اللحم بطريقة معينة وتكون مطبوخة بنمط محدد هذا الاشي ما بترك مساحة عند الناس فعليا انها تفكر وتوصل لمرحلة انه هي في عندها الاهتمام بالبيئة والوسط المحيط فيها بحيث انها بدها تكون بسلوكياتها مسؤولة وبقراراتها وخياراتها اخلاقية وهذا الاشي اللي في النظام الخضري موجود وهذا الإشي اللي في النظام الخضري موجود. بركي بعد البودكاست هيك تصير تفكر شوي إنه الحرية مش بس إنه أنا بقدر أروح وآجي وأعمل البديع. الحرية إنه نكون عنا هاي المسئولية وعنا هذا الوعي. والوعي هو اللي بيجي أول لأنه هو اللي بيقدم للم في المجتمع أكثر فاعلية وأكثر صديق لكل الكائنات الحية الموجودة من حولنا يعني أكيد لسه الناس رح تظلها تتطلع على الخضرية إنها نظام مبني على الحرمان أو إنه أنا في حياتي ما رح أكون خضرية مثلا فبس تبلش خطوة إنها هي تختار تكون خضرية بتلاقي إنه سهل كتير الموضوع إنه الشخص يكون عن جد خضري لأنه فيه نظام أخلاقي أكبر وأبعد من إنه بس يظل محصور بفعلياً الإنسان كيف محدود يعني هو عم بيكون محدود في خيارات لو أنه ما بيطلع من خلينا نحكي هاي المنطقة الضيقة اللي احنا بنحصر حالنا فيها بخيارات معينة بنمط معين محدد لأنه السلوكيات اللي حوالينا في المجتمع مثلا تعطي أنه يعني شو أنك تيجي تقول أنك خضري مثلا أو أنك ما بتاكل طعام معين أو ما بتستهلك منتجات معينة لأنها هي مثلاً غير صديقة للحيوانات أو قائمة على استغلال الحيوانات بس بنفس الوقت هذا التفكير اللي عندك إيمان يعني كمان موجود عند أفراد تانين في المجتمع من حولك وأكيد ما هيكون في مساحة للتأثير والتأثر إلا إذا كان فيه شكل أشكال الدعم والتفاعل في البيئة اللي بنعيش فيها فهذا الإلهام في حياتك والتأثر في الوسط المحيط من حولك وين موجود مثلا بالعيلة موجود في الأصدقاء موجود على السوشال ميديا كيف بتلاقيه في حياتك هذا الإلهام من جهة وكيف أنت بتقدر أنك كمان تكون مؤثرة في وسطك المحيط يعني صح حكيت في بداية البودكاست أنه أنت بالعادة يعني بتشارك هاي الأفكار وبتحكيها مع الحلقة الصغيرة حولك ولكن أكيد موجود حولك حلقة أكبر وأكبر كمان بتقاطعوا معاك في كتير نقاط وبتشاركوا معاك في كتير مبادئ من المبادئ الأخلاقية الخضرية اللي أنت عم تبني عليها حياتك اليوم

Eman Tarayrah: 24:53

في حالتي بوجود فرد من أفراد عيلتي أخت الكبيرة خضرية هي جزء من من رحلتي بالوصول للمعرفة جزء كبير في وصولي للفكرة أو للمعرفة أو لطريقة البحث أو إيش الخيرات المناسبة أو إيش الخيرات المتاحة هي كانت بتجربتي الفردية كانت جزء كبير مهم أني أوصل لهاي المعرفة هي أحلام كمان أنه أتذكر لما كنت بمرحلة البحث وأن أوصل لأي معلومات جديدة قداش فكرة مشاركة المعلومات اللي بنحصل عليها مهمة يعني لما أحصل على معلومة جديدة أو لما أتعرف على مثلا طريقة جديدة ممكن أنا تناسبني أو إيش الفرق بين الفيجيتيريين والفيجين كلها هاي أفكار كنت دائما أشاركها بالناس المحيطة في يعني بأصدقائي بالعيلة ففكرة أنك أنت توصل بمرحلة برحلة المعرفة هاي أنه أنت بتقسمها لمراحل أول إشي أنلة يعني بعد ما حصلت على معرفة أو على معلومات أو على أنظمة غذائية مثلاً جديدة كيف ممكن أعمل وصفات جديدة دائماً هاي كلها أفكار أو أي نتاج للمعرفة لما بنشاركه برأيي هو بيزيد من إيماننا بالفكرة خصوصاً إنه لما تشوف حدا بدائرتك القريبة تأثر بهاي يعني تأثر مثل ما أنت كنت بحاجة مؤثر أو دافع خليني أحكي يعني دائماً إحنا بنكون يعني خلص الفكرة عنا مقتنعين فيها مآمنين فيها بس بدنا ندافع ممكن تكون ندافع مشاهد معينة ممكن تكون أشخاص بحيطة ولتلاقي حدا مثلا تأثر فيها هاي بيكون جزء كبير من أنه أنت تآمن بالفكرة اللي أنت عمالك بتسعى لأنك توصلها أو أنك تطبقها في حياتك ففكرة أنه صار عندي صديقة برضو اختارت أنها تكون نباتية بعد ماشاركنا نتاج رحلة بحث ممكن حوارات اتناقشناها مع بعض وأنه تصبت في نفس النتيجة هاي برضو فكرة زادت إيماني بفكرة الخضرية أنه مجرد إلهامنا لأنفسنا هو إلهام لحد ثاني بحياتنا زي ما إحنا كنا بحاجة دافع نحو خيار غذائي أخلاقي هم كمان بالدائرة المحيطة ممكن بحاجة لهذا الدافع فممكن نتشارك هاي المعرفة أو نتيجة المعرفة اللي إحنا وصلنا لها

Dalal Radwan: 28:22

أكيد هتكون تجربة مختلفة لما يكون في في حياتنا أفراد من العيلة أصدقاء خضريين وخضريات أو حتى تكون في هذه المساحة القريبة حولينا نتشارك فيها أراء وأفكار حول مثلا كيف بنشوف الحيوانات كيف بنشوف البيئة كيف بننظم علاقتنا بالوسط اللي احنا عايشين فيه وفي ظل وجود هاي العلاقات الاجتماعية كمان بيكون في حاجة انه نفكر ممكن في الحدود اللي ممكن انه يتساعدنا انه ما حدا يتعدى على مثلا حياة التاني ما حدا يتعدى على قراءة تاني او انه هاي الحدود تكون هي التي تنظم كيف نعبر عن علاقة صحية تجمعنا كأفراد بين بعضنا البعض غير عن العلاقة التي كمان بحاجة أن تكون موجودطريقة معينة وأغلب الوقت وكمان من تجربتي يعني بلاء الأشخاص غير الخضرية حتى غير النباتيين بهاجموا الخضرية أو لما يعرفوا أنه أنا خضرية بصيروا بحكوا عن الطعام بالطريقة اللي فقط مبنية على أنه الطعام هو فقط للذة وإشباع الرغبات عندهم وما بيفكروا أنه هذا الحيوان هو فعلياً بعاني عشان في الآخر هني يأكلوا أو يوصل على طبق على المائدة ومرات كتير هاي السلوكيات فعلياً ما بتكون حتى بطريقة لطيفة أو ما حتى بتكون بطريقة أنه أنا عندي الاستعداد والقابلية أنه أنا أفهم شو يعني خضرية فهون في عنا حاجة أنه يكون في عنا هاي الحدود ممكن في علاقاتنا مع الناس لأنه بالمجمل الناس يعني في لسه شريحة ما بتحترم أنه هذا الشخص خضري فأنا يعني مش ضروري أهاجمه وبنفس الوقت ما بتعطي حالها مساحة تتعلم على الخضرية يمكن مشان هيك كمان عم نعمل البودكاست عشان يكون في شوية وعي انه شو يعني خضرية وانهم الخضريين والخضريات اشخاص عندهم مبادئ اخلاقية يعيشين يعني بناء عليها وبيحاول تعطي هاي المساحة عشان تسمع مش عشان ممكن إنها بس تهاجم أو تحكم أو تعطي هاي الأحكام المسبقة فعليا

Eman Tarayrah: 30:57

بعد ما صرت خضرية صار في حدود جديدة بحياتي فمن حق الناس اللي بدأ يرتين محيطة أنها تتعرف عليها أو أنهم بحاجة أنهم يتعرفوا عليها فوضع هاي الحدود خلاني أتعرف على طبائع الأهل والأصدقاء والأقارب أنه كيف هم راح يتصرفوا معه يعني كيف راح تكون ردة فعلهم أو رح يتصرفوا مع هاي الحدود اللي أنا جديد حطيتها بيني وبينهم أو جديد حطيتها لحياتي فقدش إذا أنا بدي أكون مطلعة مع صحباتي رح أكون مرتاحة بالطلعة قدش إذا يعني هم رح يحترموا خياري بالنظام الغذائي الجديد فصرت عارفة أكثر الأصحاب اللي بتوافقوه وبحترموا توجهاتي وسلوكياتي خصوصا يعني بأمثلة بسيطة ممكن يعني ممكن تكون بسيطة بس هي مهمة أنه مثلا عند لما نيجي بدنا نطلع وفكرة اختيار مطعم أو الكوفي اللي رح نروح عليه إذا فيه خيرات مناسبة لإلي مثلا أنه آه إيمان أنت اختاري أو أنت شوفي إيش الأماكن اللي عندهم خيرات وبنروح عليه أنه أنت اختاري وإحنا بنرتب حالنا على هذا الخيار أو إنهم برضو يصيروا يبحثوا مع إنه المكان الفلاني بوفر خيارات خضرية برضو فكرة إنه إذا أنا معزومة عند صديقة قديش مدى اهتمامها إنه هي تعمل وصفات خضرية علشاني ممكن خضرات يعني ممكن وصفات أنا ما جربتها إلا هي اللي عملتها فبرضو فكرة إنه إذا صار في مناسبة وهم بدهم اختاروا إلي هدية هاي الهدية قداش بتتوافق مع توجهاتي يعني تفاصيل مهمة هي إنه ينتبهوا لمثلاً أنه المنتج ما يكون مثلاً مجرب على الحيوانات أو هديه لأنا إيش بحب إيش بفضل مثلاً إذا بيكون يبحثوا عن شوكولاتة بدون حليب هاي كلها تفاصيل بالنسبة لإلي مهمة لأنها جانب من الوعي وتجربة الاهتمامات وتبادل المعرفة اللي حكيت عنها فدائما إحاطتنا أو أنه نحوط حالنا بأشخاص داعمين بيفرق يعني بيحدث فرق كثير كبير بدحلتنا

Dalal Radwan: 33:40

مزبوط هو الاحترام هو الأساس فعليا يعني السهل كتير أنت تكون خضرية وعايش في البيت بتطبخ أكلك بإيدك أو يعني ممكن أنه الأغراض اللي بتشتريها تكون صديقة للبيئة أو تكون صديقة للحيوانات يعني سهل الواحد يعيش في مساحته الشخصية لكن لما نطلع على المجتمع بحاجة أنه المجتمع مش ضروري يتفق معنا ويعمل نفس يقوم بنفس السلوكيات يعمل نفس القرارات ولكن في الآخر أنه يحترم أنه أنا عندي مبادئي وأنت عندك مبادئك ما فيش داعي أنه نتعدى على بعض عشان أنت تثبت وجهة نظرك وهذا الاحترام يعني زي ما عم توصفه انت أشكاله كتير بسيطة يعني مرات ما بنخسر إشي إنه نسأل أصدقائنا ونسمع لهم بالذات لما يكون نعرف إنه في حدا عنده تفضيلات معينة وهي التفضيلات بناء على مبادئ معينة وهذا الإشي بيقول أواصر الاجتماعية بين الناس يعني في شعور أمان وترحيب أو قبول لما يكون الشخص مثلا تكوني مثلا في مجموعة الأصدقاء وتكوني عارفة إنهم فكروا في الهدية إنها تكون مثلا صديقة للبيئة أو الحيوانات ومثلا ويكون إشي أنت كمان تقدر تستفيد منه مش إنها تكون عبئ عليك لأنه حيكون في مرحلة معينة إنه هاي الهدية مش خضرية مثلا أو إنه نسأل بعضنا وين رح نروح ناكل أو خيارات الطعاميء بالعكس هو بنظم حياتنا وبسهل تفاعلنا مع بعضنا كأفراد وهذا الإشي بيخلينا نكون أكثر وعي بأنفسنا أيضا لما نصير نشوف أنه أنت تصير تشوف أنه الأشخاص اللي حواليك عم بيقدروك وعم بيحترموك يعني هذا الاشي بصير يعطي مساحة أكثر أنه هاي الصداقة تتطور أو أنه هاي العلاقات تتوتد وتصير أقوى وهذا الاشي بنعكس على قوة المجتمع يعني وعلى قداش بيكون قريب من بعضه كمان يعني مش بالضرورة الناس إنهاهم انه ما حنكون اصدقاء لكن في مساحة الاحترام وفي مساحة انه الناس ممكن تتناقش وتحكي ولكن في نفس الوقت في احترام وقبول انه كل حدا مختلف وهذا الاشي ما رح يفسد العلاقات الاجتماعية اللي بتكون بين الناس فعليا العلاقات الاجتماعية اللي بتكون بين الناس فعلياً لما تفكر في المستقبل إيمان شو فيه هيك رسالة معينة بتحب تشاركيها مع المجتمع المحيط فيكي زي ما حكيتي في أول بودكاست ممكن أول مرة رح يسمعوا هاي الأفكار أو أنت ممكن هاي أول مرة كمان بتشارك هاي الأفكار مع أشخاص مش بضرورة بتعرفيهم أو بتعرفيهم فشو بتحكي أو شو بتحب توصلهم رسالة؟

Eman Tarayrah: 37:07

أوكي هلا رسالتي هي أنه الخضرية مش دايت ولا حمية غذائية ولا توجه أنا بتوجه لإلو لفترة معينة بحياتي الخضرية هي معارضة الإساءة للحيوانات بجميع أشكالها وأنا ما بقدر أخليك تصير أو تصيري خضرية أو خضري بس أنا بقدر أوعيك بالقصوى الممنهجة على الحيوانات اللي أنت بتدعمها

Dalal Radwan: 37:24

مزبوط يعني إحنا بنكون التغيير اللي بدنا نشوفه في العالم وبنكون الأثر اللي رح يلهم الناس إنها تفكر وهذا التفكير يقودها لتلاقي نفسها تتغير كمان مش لأنه هذا التغيير لازم يصير بطريقة معينة لأنه هذا التغيير هو عشان تكون هيك الحياة أكثر احتواءاً لكل الكائنات الحية بيكون مهم أن يكون هذا التغيير موجود بتأمل أنه هاي الرسالة توصل إيمان أنه فعلياً أنت زي ما حكيتي أنت بتحكي بتشارك تجربتك عن الخضرية أو النباتية الصرفة وبتشارك هاي المعرفة مع المجتمع من حولك وهني بالآخر يعني هذا الاشي رح يجي من مجهول الأفراد أنفسهم إنهم يتغيروا وبالتالي يكونوا كمان التغيير في المجتمع بتمنالك كل التوفيق وتضلك دائما شخص ملهم وهاي المعرفة تكون فعليا الأثر الجميل اللي تتركيه في المجتمع وتساعدك كتير ناس يعني من حولك ممكن مش بالضرورة يفكروا نفسك ولكن لما يسمعوا هاي الأفكار تعطيهم هيك فرصة إنهم يفكروا كمان ويحاولوا يلاقوا أجوبة وبتمنى لكم للتوفيق دائما إذا بتحبوا تكونوا جزء من البودكاست وتشاركوا تجربتكم كخضريين وخضريات أو تحكوا عن مواضيع بتهمكم وبتهمكن رسلوني على